Gagauziyada, Kirez ayın (iyün) başından beeri, Protestant misionerların “Athletes in Action” sport klubu çalışêr. Misionerlar küülerimizin hem kasabalarımızın çoyunda güreş turnirları hem misioner işlerini yaptılar.
Serbest güreştä kapanış turnirını Protestant misionerların “Athletes in Action” sport klubu, Komrat primariyasının yardımınnan, Kirez ayın (iyün) 13-dä Komratta yaptı.
Turnirda pay aldı 150 güreşçi Protestant misionerların “Athletes in Action” sport klubundan, Gagauziyadan (Komrat sport liţeyi hem uşak sport şkolası) hem Ukraynadan.
Not. Turnirın açılışında, sport sakatlarına hem veterannarına yardım etmäk “IFAVIS” Halklararası Fondun viţe-prezidentı Valeriy ZABOLOTNIY verdi şkolacılar arasında Moldova çempionnarına Grigoriy MARİNÇUya hem Vasiliy TAUKÇUya güreşçilär için maasuz ayak kapları.
