Orak ayın (iyül) 12-dä resimci Pötr DİMOV 52-ci yaşını doldurdu. Canabisi duudu Kıpçak küüyündä 1962-ci yılında.
Şkolayı bitirdiktän sora, 1984-1989 yıllarında üürendi Moskvadakı incäzanaatlar “N.Krupskaya” adına zaoçnıy halk univeristetın stanok resimcilii hem grafika bölümündä.
1984-cü yıldan beeri industriya grafikasınnan zanaatlanêr. 1987-1990 yıllarında “Moldavpotrebsoyuz” alış-veriş reklama uurunda işledi. Moldaviya SSR “VDNH MSSR” (büün “Moldexpo”) “Oktäbrinin 70-ci yıldönümünä” pavilyonunu hazırladı.
Gagauz Respublikasının hem Bucaan simvolikasının kurulmasında çok pay aldı. Hazırladı “Ana dilimiz”, “KDU”, “Gagauz Respublikası”, “Gagauz Baamsız Jurnalistlär Birlii” hem taa başka emblemaları.
Pötr DİMOVun yaratmaları pek üüsek uurda yapılı. Onun emblemalarında hem mal nışannarında göreriz, ani resimci becerer birkaç işlän belli etmää yaratmanın özünü. Taa bakınca emblemaya yada mal nışanına biz annêêrız hem tanıyêrız kimä o baaşlanmış, neyi annadêr hem neyi gösterer. Bu iş da resimcinin ustalıını belli eder.
Canabisinin yaratmaları sergilendi 2006-cı yılda Komratta (Bütündünnä gagauzların Kongresinä) hem Kıpçakta (küüyün Kurban günündä). Bundan kaarä o pay aldı ortak sergilerdä: Gagauziyanın Resim Galereyasında, “Paskellä – 2007”, “Çadır-Expo-2008”, “Paskellä – 2009”, “Moldexpo – 2009”.
Duuma Gününnän kutlêêrız! Saalık hem uzun ömür Sana, yaradıcı!
Anaktar sözlär : Pötr DİMOV, Петр Димо
