Taa sünmedi Baurçu küüyündä Moldova yolcu poliţiyasınnan inţedentın yalazı, nicä eni bir ateş Beşalmada kızıştı. Bu kerä moldovanın yolcu poliţiyası düüdü beşalmalı çocuu Nikolay KARADİMİTROVu(video burada: https://www.youtube.com/watch?v=OIpHQPX8FbQ ).
Nikolayın annatmasına görä, poliţiyacı ilktän durgutmuş onu, sora da poliţiya sopasınnan (jezl) urmuş onun kafasına.
Nikolay KARADİMİTROV: “O durguttu da srazu jezlaylan urêr. Kaptı ruli da srazu urêr”.
Hepsi kim bulundu inţidentın erindä, Beşalma küüyün primarı da, bir seslän söleerlär, ani Nikolay KARADİMİTROV ayıkmış.
Valeriy MOŞ, Beşalma küüyün primarı: “Kişinevdan poliţiyalar gelerler nezaman isteerler, yannarına Gagauziya poliţiyasını almêêrlar, hiç birinä haber vermeerlär.”
Bir beşalmalı adam: “Poliţiyanın yaptıı iş – bu barbarlık!”
Redakţiyadan: Gagauziyada sincir gibi biri-biri ardına olan Moldova yolcu poliţiyasınnan bu inţidentlar iki işi gösterer:
1. Moldova poliţiyasında terbiedilmemiş daada tutulma kadrolar işleer, angıları gagauzlardan aazadan azetmeerlär hem gagauzları insan erinä saymêêrlar.
2. Poliţiyeya bu barbarlıı yapmaa deyni yukardan izin vererlär, gagauzları tutuşturup, Gagauziyayı yakmaa deyni.
