2015-ci yılın Küçük ayın (fevral) 23-28 günnerindä TÜRKSOY, Türkiyenin Halklararası türk kulturası kuruluşunan, Türkiye Respublikasının Başbakannık Basın yayın informaţiya Genel müdürlüü hem Başbakannık Cümne diplomatikası koordinatorluunan işbirliindä, türk dünnesindän jurnalistlerä deyni bir programa yaptı.
Programaya 18 seçilmiş jurnalist 10 devlettän katıldı: Azerbaycan, Kazakistan, Kırgızistan, KKTC (Pyraz Kıbrıs Türk Respublikası), Türkmenistan, Makedoniya, Başkurtistan, Dagestan (RF), Hakasiya (Rf) hem Tatarstan (RF).
Programaya görä jurnalistlerä buluşmalar yapıldı TÜRKSOYda, YTBda (Yurtdışı Türklär hem Akraba Topluluklar Başkannıı), TİKAda (Türk İşbirlii hem Koordinaţiya Agenstvosu), TRTda (Türkiye Radyo hem Televideniye Kuruluşu), Başbakannık Afet hem acil durum önetimi Başkannıında hem Dışişleri bakannıında.
Küçük ayın (fevral) 24-dä, “TÜRKSOY Haldun Taner yılı” açılışı yapıldı. Açılışta yabancı devletlerdän 18 hem Türkiyedän 5 jurnalistä “’TÜRKSOY Basın Onur Ödülleri” verildi.
Ofiţial programalardan sora kultura programası yapıldı: Kapadokiya hem Nevşehir erlerinä gezi.
Bundan kaarä İstanbulda da bir iş hem kultura programası yapıldı. Orada buluşmaklar oldular Türk dili konuşan devletlär işbirlii Konseyindä (Türk Keneşi), Devlet arhivleri Genel müdürlüündä, Osmannı arhivleri bölümü Başkannıında hem Türk dünäsı primariyalar Birliindä.
Not. Bu yıl Gagauziyadan jurnalistlär TÜRKSOYun bu programasında pay almadılar.
TÜRKSOY Basın Ödülleri – 2015
Azerbaycan
Zernişan Turan – Azerbaycan devlet televideniyası, “Turan” programasının yapımcısı;
Namık Ahmadov – “Halk gazetası” baş korespondentı;
Mehpare Sultanova – Medeniyet gazetası” kultura hem incäzanaat korespondentı;
Kazakistan
Kazakistan radyo hrm televideniye Kurumu;
“Almatı Avşamı” gazetası;
“Egemen Kazakistan” gazetası;
Kırgızistan
Karbalas Bakirov – “Erkin-too” gazetasının kultura bölümün Başkanı;
Aynura Aldaşeva – KTRK Televideniyasının redaktoru;
Zayırbek Acımatov – “Azattık” radiosunun kultura bölümün redaktoru;
Türkiye
Cengiz Özdemir – “360 TV” baş redaktoru;
Durmuş Tan – “Kayıp Türkler” programasının yapımcısı;
Hıncal Uluç – “Sabah” gazetasının yazıcısı;
Mehlika Gider – “Multicultural Guide” jurnalın baş redaktoru;
Yusuf Turgut – “Taka” gazetasının baş redaktoru;
Başkiriya (RF)
Leila Ishmuratova – “Başinform” haber agenstvosu;
Gulnaz Yakupova – “Başkurt Devlet Televideniyası” programa yapımcısı, spiker;
Tatarstan (RF)
Rimzil Valeev – “TATMEDİA” Tataristan devlet haber agenstvosu;
Liutciia Kamalova – “Tatar-İnform” haber agenstvosunun jurnalistı;
Hakas (RF)
Olga Zhernakova – “Shams” gazetasının korespondentı;
KKTC
Ahmet Tolgay – “Kıbrıs” gazetasının korespondentı;
Mehmet Moreket – “Havadis” gazetasının korespondentı;
Dagestan (RF)
Kamil Aliyev – Kumuk milli gazetasının korespondentı;
Makedonya
Avni Engüllü – jurnalist, yazıcı, poet.
PATRETTÄ: TÜRKSOY Genel sekretari Düsen KASEİNOV (oturêr ortada) türk dünnäsı jurnalistlerinnän.
