“Gagauziya televideniyası” cümne kompaniyası (GRT) açêr temalı peet konkursunu “Aklında tutmak çannarı”, angısı baaşlanêr Büük Vatan Cengindä Enseyişin 70-ci yıldönümünä.
Konkursun kuralları
1. Ana kurallar
Büük Enseyiş Gününä baaşlanan peet konukursun kuralları (taa ötää yazılı Konkurs) GRT Administraţiyası tarafından kuruldu.
Konkursun kurulması hem geçirilmesi patriotizma, kolaylık, insan paalılıklarına öncelik, vatandaşlık, kişinin serbest büümesi prinţiplarına görä yapılêr.
2. Uurlar hem davalar
2.1. Evlatboylarına Vatanı korumarkta kahramannık hem hodulluk duygularını terbietmää.
2.2. Gençlerdä istoriya olaylarını üürenmedä havezi uyandırmaa.
2.3. Gençlerin yaratmak vergilerini açıklamaa.
3. Konkursun tertiplenmesi
3.1 Konkursu tertipleyennär:
- hepsi katılannara birtakım kolaylık yaradêrlar;
- meropriyatiyanın yapılmasında açıklık kolaylıı göstererlär;
- jüriyi hem konkursa gelän yaratmakaların özelliklerini kurêrlar;
- konkursantları nota kertiklerini hem baaşiş sistemasını kantarlêêrlar;
- belli olan günnerdä konkursu yapêrlar hem enseyennerä ödül vererlär.
4. Kokursun yapmak sırası
4.1. Konkurs iki basamakta olacek:
Birinci tur – seçmä turu, olacek Çiçek ayın (aprel) 27-dä.
İkinci tur – final, olacek Hederlez ayın (may) 4-dä.
4.2. Katılannar – iki yaş boyunda uşaklar:
- 12 yaşına kadar;
-12-16 (16 girer) arası.
4.3 Konkursantlar kendi danışmalarını iki yollan yapêrlar:
- poçtadan: Komrat, Lenin sokaa, 134, GTR; e-mail: grt.concurs.mail.ru;
- kendileri getirerlär.
4.4. Haber-reklama kompaniyası 2015-ci yılın Baba Marta ayın 15-şi – Çiçek ayın (aprel) 27-si arası yapılêr.
4.5. “Konkurslan tanışmak” süjetların hazırlanması – danışma günündän beeri.
4.6. Konkursta tarayannara ödül vermä günü – Hederlez ayın (may) 9-zu.
5. Jürinin çalışması
5.1. Jüri azalarını konkursu hazırlayan seçer – GRT Administraţiyası.
5.2. Jüri hepsi konkursantların işlerini kantarlêêr hem finala çıkannarı seçer.
5.3. Tarayannarı en çok ball almasına görä seçerlär.
6. Konkursun sonuçları
6.1. Konkursun sonuçları tele hem radio kolverimnerindä açıklanacek.
6.2. Konkursta enseyennerä baaşışlar hem diplomalar verilecek.
6.3. Yaratmaların parçalarından hazırlanan süjetlär siiredicilerä teklif edilecek, onnar “Siiredicilerin sevdii” ödüldä enseyeni seçsinnär deyni.
GRT CK predsedateli A. HARLAMENKO
Konkursant Danışmada lääzım açıklasın
Laabını, adını hem boba adını
Yaşını (dolu yaşı)
Yaratmanın adını
Ev adresını (poçta indeksını da yazêr)
Yaratmayı okuyanın (ana-bobanın) telefon nomerini hem (yada) elektron adresını
Avtorun üürendii şkolanın adı
Üürendii şkolanın adresini (poçta indeksını da yazêr), yaratmak öndercisi (var sa)
“Aklında tutmak çannarı” konkursunda pay alanın Danışma örnää
| №Sıraya görä | Açıklamak istenän işlär | Doldurulacek er |
| 1 | Laabı, adı hem boba adı | |
| 2 | Yaşı (dolu yaşı) | |
| 3 | Yaratmanın adı | |
| 4 | Ev adresı (poçta indeksını da yazêr) | |
| 5 | Yaratmayı okuyanın (ana-bobanın) telefon nomeri hem (yada) elektron adresı | |
| 6 | Avtorun üürendii şkolanın adı | |
| 7 | Üürendii şkolanın adresi (poçta indeksını da yazêr), yaratmak öndercisi (var sa) |
