Baamsız Jurnalistika Merkezi hem Moldovada presanın serbestlii için komitet artık 21-lää baaşlêêr kendi “Yılın jurnalistı” ödüllerini. Bu yıl bölä ödülü kabletti Moldova Teleradio kompaniyasının Komratta “Moldova-1” jurnalistı Ekaterina TERZİ da.
Kırım ayın (dekabri) 17-dä Kişinevda Canabisinä bu ödül verildi presada beceriklii hem çeşitlii ilerletmäk için.
Ödülü kablettiynän Ekaterina TERZİ urguladı, ani artık 21 yıl Komratta “Moldova-1” kanalın jurnalistı işleer. Onnarın 20-si onun yanında bulunêr operator Anatoliy UNGUGREANU, angısı çok çalışêr ani hazırlanan materiallar meraklı hem islää olsunnar.
Not. 2002-ci yılda Ekaterina TERZİ artık kabletti “Yılın jurnalistı” ödülünü. Ozaman o ödülü ona verdi Moldovanın profesiopnal jurnalistların Ligası.
