Hederlez ayın (may) 4-dä, Allahın gözäl bir günündä, Akademik Todur ZANET baaşladı kendi kiyatlarını hem “Ana Sözü” gazetasının nomerlerini Moskva Patriarhatın Moldova Mitropiliyasının Kaul hem Komrat Eparhiyasının “Panaiyanın İver ikonasının karı manastırına”.
Kiyatları baaşlamaa deyni yazıcıya öncedän izini verdi manastırın kurucusu (bak: http://anasozu.com/ev-klisesi-panayiyanin-iverskaya-ikonanin-adina-ayozlandi/) hem duhovnii Shieromonah Ioann (Peioglo).
Shieromonah Ioann kendisi da çok yıllar pek gözäl peetlär yazêr. Sevineriz ona, ani Canabisinin ilk peet kiyadı da artık tiparlandı (bak: http://anasozu.com/aramiza-eni-kiyatlan-bir-poet-geldi/).
Kiyatları baaşladıktan sora, Shieromonah Ioann, manastırın igumeniyası Efrosiniya hem Akademik Todur ZANET uzun vakıt hristiannık hem insannık için lafettilär. Buluşmanın sonunda Shieromonah Ioann gösterdi musaafirä Manastırın gözäl donaklanmış başçasını hem izin verdi igumeniya Efrosiniya çannarını da düüsün.
Ayırılarkan Shieromonah Ioann blagoslovit etti poetı hem hepsini kim onunnan o gün manastıra geldiydi.
