Ceviz ayın (sentäbri) 24-dän Canavar ayın (oktäbri) 9-dan Rusiyanın başkasabasında Moldovanın I-ci «Изумрудный виноград» festivali geçti. Festival baaşlandı Moldova Respublikasının baamsızlıının 25-ci yıldönümünä.
Moskvadakı festival programasında vardı şarapların hem milli imeklerin degustaţiyası, şarap yapmakta master-klas, moldovalı kompozitorların hem türkücülerin yaratmaklarınnan tanışmak. Bundan kaarä festivaldä oldu prezentaţiyalar raametli rejisörun Emil LOTÄNUnun «Красные поляны» kinosuna hem «Мой Кишинев» kiyadına.
Festivalin açılışında Rusiyada Moldova büükelçisi Dimitriy BRAGİŞ urguladı, ani bu festival adetä dönecek hem her yıl Rusiyada olacek.
PATRETLERDÄ: «Изумрудный виноград» festivalin konţertlär programasında pay aldılar Gagauziyanın Kıymetli artistkası Lüdmila TUKAN, onun kızı Karina KADIN hem Elizaveta PANAİTOVA.
