2025-ci yılın Kasımın 10-da Türkiye Kişinev Büükelçiilindä, nicä de bütün Türk dünnesindä, saygıylan anıldı Türkiye Respublikasının kurucusunun Ulu Önder Gazi Mustafa Kemal ATATÜRKün sonsuzlaa kauşmasının 87-ci yıldönümü.
Türk dünnääsının Atasının hem da XX-ci üzyılın en anılmış dünää liderin Mustafa Kemal ATATÜRKün aramızdan ayrılmasının 87-ci yıldönümü Kasımın 10-da saat 09:05-tä saygı susmak duruşunnan başladı, nedän sora Büükelçiiliin Türkiye Bayraan biraz indirilildi hem Türkiye Respublikasının Gimnası çalındı.
Akasında kısa bir söz tuttular Türkiye Kişinev Büükelçisi Uygar Mustafa SERTEL hem Büükelçiliin iç işeri müşaviri.
Bu kısa duruşmadan sora da, bu yaslı sırada pay alan Büükelçiilin diplomatları hem personalı, TİKA Kişinev programaları ofisin zaametçileri, Moldovada türk iş adamnarı hem üüredicileri, gagauz yazıcısı Todur ZANET hem başka insannar Türkiye Kişinev Büükelçiilindä önündä bulunan Ulu Önder Gazi Mustafa Kemal ATATÜRKün byustuna saygıylan çiçek koydular.
Hep ölä bir saygı sırası geçti Komrat ATATÜRK bibliotekasında da, neredä pay aldılar Türkiye Gagauziya Komrat Başkonsulu Eda GÜÇ, Başkonsulluun personalı Türkiye hem Gagauziya bilim hem cümne insannarı.
