2026-cı yılın Çiçek ayın 7-dä “Andrey Valkov” adına Komrat munițipiyi uşak muzıka şkolasında geçti “Sergey FİLİOGLU adına I-ci fortopiano hem kamera muzıkasında Respublika festivali”, angısı yapıldı Komrat Devlet Universitetın kultura hem incäzanaat kafedrasının teklifinä görä. “Sergey FİLİOGLU adına I-ci fortopiano hem kamera muzıkasında Respublika festivali” adandı raametli anılmış muzıkacı, pianist, konțertmeyster hem pedagog Sergey Vasilyeviç FİLİOGLOnun (07.04.1976 – 05.11.2025) duuma günün 50-ci yıldönümünä hem onda pay aldılar universitetların, konservatoriyanın, muzıka şkolaların üüredicileri hem studentları. Festivalin şannı musaafirleri oldular Kişinev A.Stırça adına İncäzanaat şkolasının direktoru, “Maestru în Artă” İ. V. BOGATAYA
TAA DERINDÄN Gagauziyanın Kongaz küüyündän genç olan Dimitriy PAÇİ yaptı onu, neyi onadan kimsey yapmadı – gagauz milli akıl hem fikir “KURAN” oyununu dicital biçimindä dört dildä yarattı. “KURAN” oyununu dicital biçimindä yaratmak için, Dimitriy PAÇİ ilktän bu oyunun özelliini inceledi hem kavradı, sora da, bir yılın içindä, bu oyunun dicital kalubunu yarattı. Gagauz “KURAN” oyunu, gagauz dilindän kaarä, yapılı rusça, romınca hem angliyca dillerdä dä. Bu işlän Dimitriy PAÇİ hem gagauz adetlerini hem oyunnarını korumaa deyni bir adım yaptı, hem dä “KURAN” dicital oyununnan bütün dünneyä gagauzları annatmada hem annamada taa
TAA DERINDÄN Bu yıl bütün Hristian dünnäsının en büük yortusu Aydın hem Ayozlu Paskellä Çiçek ayın 12-dä bakılêr. Aydın hem Ayozlu Paskellemiz kutluca olsun hem Kurtarıcı İisus Hristoz versin hepsimizä saalıklan bereket, kısmetlän selemet hem uzun ömür! Saalık Allaa versin! Hristoz dirildi! Hakına dirildi!
TAA DERINDÄN 2026.04.11,Ana Sözü TARAFINDAN YAZILI, CÜMNE BOLUMU
Çiçek ayın 10-da TİKA Kişinev ofisin koordinatoru Murat ZELAN, Valkaneş kasabasına gelip, burada yapılan TİKA proektlarını inceledi Valkaneş primarınnan Nikolay PASMAKLAN buluşup, TİKA koordinatoru Murat ZELAN Canabisinnän birliktä Valkaneş Kultura evin enilenmesi proektında yapılan işleri inceledi hem Valkaneşin 3-cü uşak başçasının aulunun iişeştirmä proektın başıralmasının sonuçlarını baktı.
TAA DERINDÄN 2026.04.10,Ana Sözü TARAFINDAN YAZILI, CÜMNE, SPORT BOLUMU
Çiçek ayın 3-4 günnerindä Belț kasabasında geçti Moldovanın gençlär arasında sambo güreşindä çempionatı, neredä pay aldılar 400-dän zeedä genç sambocular. Burada güreş alayında baş-başa geldilär 2012-2015 yıllarda duan olannar. Moldovanın gençlär arasında sambo güreşindä çempionatında pek islää kendilerini gösterdi Çeşmäküüyün teoretik lițeyin üürencileri – alıp 8 medali, onnar Moldovanın en islää 3 komandasının birisi oldular. Sambo güreşindä Moldova çempionnuunu hem altın medalilerini kazandılar: Evgeniy ÇOBAN (33 kg), Dimitriy PERÇEMLİ (36 kg) hem Artöm KÖSÄ (46 kg). Gümüş medalileri aldılar: Egor KASAP (53 kg), Ekrem URUM (64 kg) hem Vladimir MOLDOVAN
TAA DERINDÄN 2026.04.08,Ana Sözü TARAFINDAN YAZILI, CÜMNE BOLUMU
Çiçek ayın 5-dä Moldovanın gençlär arasında sambo güreşindä çempionatından evä dönän Gagauziyadan genç sambocuların maşinasına büük bir hızlan arkadan urdu BMW X5 maşinası. Nicä açıklandı basım için, Çiçek ayın 5-dä gecä saat birä yakın, sambo güreşindä çempionatından evä dönän Gagauziyadan genç sambocuların bulanan maşinaya, Hınçeşti-Bozieni yolunda, geeridän büük bir hızlan BMW X5 maşinası çarptı. Bu çarpmadan maşinaların ikisi dä yol boyu çukuruna aktarıldı. Gagauz sambocularınnan bilä maşinada bulunan onnarın trenerı Pötr KURU başardı tezicik kurtamaa uşakları, çıkarıp onnarı avariyalı maşınanın içindän. Nedän sora Canabisi çaardı polițiyayı hem hızlı saalık yardım
TAA DERINDÄN Baba Marta ayın 29-da Komrat Kultura Evin sțenasında olan konțertlän anıldı, OCI „Moldova-Concert” kuruluşun Komrat filialı olan, “Kadınca” türkü hem halk oyunnarı ansamblisinin raametli öndercisi Maestro Avram Petroviç KÖSÄ (10.05.1951 – 01.04.2022). Maestro Avram Petroviç KÖSEnin anması avşamında, 1989-cu yılda “Düz Ava” ansamblisinin bölünmesinnän ondan ayırılmasınnan, OCI „Moldova-Concert” kuruluşun Komrat filialı olarak kurulan, “Kadınca” türkü hem halk oyunnarı ansamblisinin yortulu konțerti baaşlandı Avram Petroviçin gagauz halkın milli kulturasının korunması zaametlerinä hem Maestronun yaratmak yoluna. Konțertä gelän onun dostları hem kolegaları sțenadan aklına getirdilär Avram Petroviçin insannıını, onun horeograflık ustalıını hem
TAA DERINDÄN 2026-cı yılın Baba Marta ayında Baku kasabasında tiparlandı bütün türk dünnäsının hem gagauzların büük dostu olan, Azebaycan bilim adamın, yazıcının hem gazetacının Dr. Ali ŞAMİLin gagauzlara hem gaguz kulturasına adanmış eni kiyadı – “QAQAUZLAR: yol qeydləri, məqalələr və sənədlər” (gag.: “GAGAUZLAR: gezi notları, statyalar hem dokumentlar”). Dr. Ali ŞAMİLin “QAQAUZLAR: yol qeydləri, məqalələr və sənədlər” (gag.: “GAGAUZLAR: gezi notları, statyalar hem dokumentlar”) kiyadı derin fikirli hem gagauzlar hem türk dünnäsı için pek önemni hem paası olmayan bir yaratmadır. Canabisi 352 sayfalık kiyadını 55 bölümä payedip, yaratmasında gagauzların istoriyasını, kulturasını, literaturasını
TAA DERINDÄN Çiçek ayın 2-dä Moldova Parlamentı 60 oylan ikinci okumakta aldı karar, Birleşik Devletlär Topluluunda (BDT) aza olmak için üç dokumenta denonsațiya yapmaa da bununnan Moldova Respublikasını BDTdan çıkarmaa. Bu iş için ellerini kaldırdılar “Çalışmak hem Birlik” (PAS) partiyasından hem “Evdä demokratiya” (PPDA) partiyasından deputatlar hem “Alternativa” blokundan deputat İon KİKU. Bu karara ellerini karşı kaldırdılar “Bizim partiya” partiyasından deputatlar hem “Alternativa” blokundan üç deputat. Bundan kaarä Alternativa” blokundan üç deputat oylarını kullanmadılar. Kolaj: logos-pres.md
TAA DERINDÄN Çiçek ayın 2-dä Kongaz küüyün Todur Zanet adına teoretik lițeyi Cümne Kuruluşunda açıldı enilenmiş hem büünkü uura uygun tertiplenmiş geografiya klası, neredä kurulu ep-eni masalar hem skemnelär, var globuslar, interaktiv kartalar, dicital programalı televizor hem hepsi lääzımnı işlär, ani üürencilerin üürenmäk uurunda kolaylık vereceklär. Kongaz küüyün Todur Zanet adına teoretik lițeyindä bu geografiya klasın enilenmesi hem tertiplenmesi için sponsorluk yaptı bu şkolayı 40 yıl geeri başaran hem büün büük işadamı olan mețenat Mihail Nikolaeviç KARASENİ. Geografiya klasın açılması için lițeydä büük bir yortulu sıra yapıldı. Sıraya gelän hepsi musaafirleri, bizim
TAA DERINDÄN