2016-cı yılın Kasım 26-dan beeri Gagauziyanın Halk Ustaları Birliinin zanaatlar Festivalleri yapılêr. Onnarın 3 Festivali “Havezlilerin dünnäsı” adınnan yapıldı. Sora da, 2025-ci yılda, bu Festivalin adını “Fenks” (“Devlet kuşu”) adına diiştirip, IV-cü zanaatlar Festivali geçirildi.
Bu yıl da, Canavar ayın 10-da Çadır kasabasının “Enseyiş” parkında yapıldı Gagauziyanın Halk Ustaları Birliinin V-ci “Fenks” (“Devlet kuşu”) zanaatlar Festivali.
Nicä açıkladı “Ana Sözü” redakțiyasına Gagauziyanın Halk Ustaları Birliin başı Nikolay KROİTOR, V-ci “Fenks” (“Devlet kuşu”) zanaatlar Festivali, Gagauziya kultura Upravleniyasının hem Çadır primariyasının yardımınnan, hazırladı onnarın Birlii.
Festivaldä pay aldılar Gagauziyadan hem Moldovadan halk ustaları, angıları, zaametleri için, Gagauziya kultura Upravleniyasının hem Gagauziyanın Halk Ustaları Birliinin Diplomnarınnan ödüllendilär.
