Ceviz ayın 9-da saat 15:06 geldi haber, ani Kişinev-Ungeni yolunda, Straşeni kasabasının yakınnarında Moldova Prezidentın İgor DODONun maşinalar kortejı düştü bir avariyaya. Avariyada birkaç kişi yaralandı.
Nicä açıklandı hem görüner avariyanın videosundan (bak: https://www.facebook.com/point.news/videos/315608155870003/) prezidentın maşinasının yolunu kesti bir ük taşıyan maşina. Urulmaktan prezidentın maşinası hem prezidentı korumak maşınaların birisi aktarıldı.
İgor DODONnan bilä avariyaya düşmüş onun aylesi hem yakınnarı da. Açıklanan haberlerä görä Prezidenta doktorun yardımı lääzım olmamış, ama Canabisinin anası aar yaralarlan bolnițaya götürülmüş.
Bundan kaarä bildirildi, ani prezidentın maşinaların birisinin şöföru da aar durumda bolnițaya alınmış.
Prezidentın maşinasının yolunu kesän maşinanın şöförun saalık durumu için bişey açıklanmêêr.
