Harman ayın 31-dä Moldova Respublikasında bakılêr “Romın dili” Milli yortusu, angısının temeli koyuldu 1989-cu yılın Harman ayın (avgust) 31-dä, açan Moldova Sovet Soțialist Respublikasının Üüsek Soveti romın dilini ofițial devlet dili olarak tanıdı hem moldovan dilinin latin alfavitına geçmesi için zakonu kabletti.
1990-cı yılın Kirez ayın (iyün) 23-dä Moldova Parlamentı bildirdi, ani Harman ayın (avgust) 31-ri artık “Limba noastră cea română” (“Bizim romın dilimizin Günü”) yortusu olarak bakılacek.
Bu yortunun adı 1994-cu yılda diişti da Moldova Konstituțiyasının 13-cü statyasında erleştirildi eni ad – “Bizim dilimiz”.
2023-cü yılın Baba Marta ayın 2-dä Moldova Parlamentı genä diiştirdi bu yortunun adını, yapıp onu ölä nicä Romınıyada – “Romın dili”, hem, sıradakı bir zakonu 58 oylan kabledip, Moldovanın Konstituțiyasını diiştirdi (Moldova Konstituțiyasında diiştirmä yapmaa deyni lääzım en azdan 67 oy). Bu sıradan zakona görä 2023-cü yılın Baba Marta ayın 16-da, Moldova Konstituțiyasında diiştirmä yapıldı da oradan “moldovan dili” yazısını kaldırıp, erinä “romın dili” yazısı koyuldu.
