2025-ci yılın Harman ayın (avgust) 29-da kendi sıradakı topluşunda Gagauziya Halk Tupluşu kabletti karar, ani Gagauziya Başkankasını Evgeniya GUȚULu “Gagauziya (Gagauz Yeri) Ordenı”nan ödüllemää.
Gagauziya Başkankasına Evgeniya GUȚULa “Gagauziya (Gagauz Yeri) Ordenı”nı vermäk için, Gagauziya Halk Tupluşun toplantısında bulunan deputatların may hepsicii olumnu oy kullandılar. Deputatların birisi buna karşı elini kaldırdı, birisi da – ikiliktä kaldı.
Nicä biliner, Gagauziya Başkankasına Evgeniya GUȚULa 2025-ci yılın Harman ayın (avgust) 5-dä Kişinev Boyukan sudun daavacıykası Anna KUÇERESKU tarafından alınan karara görä, 7 yıl kapan verildi hem şindilik, Kişinev Apeläțiya palatasında bu işin protest incelenincä, Canabisi Kişinevun №13 kapanında kapalı durêr. Bu kapanın önündä Evgeniya GUȚULa serbest brakılması için devamnı mitinglar geçer.
