Orak ayın (iyül) 12-dä Azerbaycan-Armeniya granițasında silählı çatışma başladı. Bunun sebepi – Armeniya armatasının, arteleriyayı kullanıp, Azerbaycanın Tovuz rayonunda bulunan önemni tepeleri almaa istedii, bildirer Azerbaycan mas-mediyası. Kendi tarafından Armeniya çatışmanın başlamasında Azerbaycana kabaatı atêr.
Nicä da olsa silählı çatışmada iki taraftan da artık can kayıpları var. Açıklanêr, ani iki taraftan da ondan zeedä ölü hem yaralı var.
Azerbaycan bildirdi, ani silählı çatışmaylan ilgili olarak mobilizațiya yapmayacek, ama kendindän gelenneri askerä alacek. Açıklandı, ani bu saatta Azerbaycan armatasına 38 bin kişidän zeedä insan yazıldı.
Büünkü gündä çatışmaya ara verildi.
