Moldova geçici Premyer-ministrusu Aureliu ÇOKOY bildirdi, ani Moldovanın Cümne saalıında Üstolan Durumu (ÜD) komisiyanın kararınnan, başlayıp Baba Marta ayın 20-dän beeri, COVİD-19 beterinä Moldovada Üstolan Durumu keskinneşer.
Bu Karara görä:
– Alış-veriş merkezlerin programaları diişer: onnar avşam saat altıyadan işleyeceklär.
– Panayırlar işleyeceklär sade 07:00–15:00 saatların arasında.
– Restorannar, kafelär hem barlar işleyeceklär sade saat 20:00-dän, ama 22:00 saadınadan istenilän erlerä imekleri yollayabileceklär.
– Düünnär, kumatriyalar, bilim konferențiyaları, olimpiadalar, sergilär, festivallär, komerțiya sıraları zapa altına alınêrlar.
– Konțert hem kino zalları kapanêrlar.
– Devletin granițasını geçirkenä Moldova vatandaşları lääzım 72 saat içindä yapılan COVİD-19-za testı göstersinnär. Testı olmayannar maasuz epidemiologiya anketalarını dolduraceklar hem 14 günä kendiliindän izoläțiyaya gideceklär. Onnar 10 gündän sora COVİD-19-za testı lääzım yapsınnar da test negativ sa, ozaman izoläțiyadan çıkabilirlär.
