Moldovada bişeycik ayozlu kalmadı artık. Cumêrtesi, Kıran ayın (dekabri) 5-dä Moldovanın baş kasabasında Kişinevda, var nicä demää Evropanın göbeendä, eski polițiyacıdan bir politika barbarlıı oldu – Ştefan çel Mare (Büük Ştefan) pamätniinä Moldovanın “Evropayı evdä kuralım” partiyası kendilerinin logosunnan medițina maskasını giidirdi.
Bu partiyeyi kuran hem onun başkanı olan eski polițiyacı, polițiyanın Baş inspektoratın başının eski yardımcısı Georgiy KAVKALÜK kendisinin facebook sayfasında yazmış, ani “bu şindiki pravitelstvoya seläm, ki onnar memlekettä koronavirus durumu beterinä lääzım erlerindän atılsınnar”. Bundan kaarä bu olay için onnarın yayınnamışlar “Biz koruyêrız memleketin baş paalılıını” adlı bir vidiorolik tä.
Taa sora eski polițiyacının giidirdii maskayı şindiki polițiyacılar çıkardılar.
Konuylan ilgili olarak şindiki polițiyacılar dosye açtılar. Bakalım garga garganın gözünü çıkaracek mı?
Anaktar sözlär : Büük Ştefan, Ştefan çel Mare
