Tipardan çıktı gagauzlar için eni bir kiyat – “Gagauzlar – Moldova Respublikasının Ortodoks Türkleri” fotoalbumu, angısını hazırlamış İtalyadan patretçik Alessandro VİNCENZİ, ani 2017-2018 yıllarında Gagauziyada bulunmuş hem gezmiş Gagauz Yerin kimi küülerini hem kasabalarını.
Bu fotoalbom – Gagauziyaya ayırı bir bakış: içtän hem ofițial şablonnarından kaçmak. 112 sayfalık kiyatta 3 dildä (romınca, gagauzça, angliyca) annadılêr sıradan gagauzların sıradan yaşaması – ölä nicä var halizdän.
Fotoalbomu hazırlayan Alessandro VİNCENZİ duudu 1973-cü yılın Kirez ayın (iyün) 26-da İtaliyanın Bologna kasabasında. Ana kasabasında başardı institutun biolgiya bilimneri fakultetını. CAPTA azası, fotograflar hem fotojurnalistlär komandası, ani kuruldu her taraftan fotojurnalistikayı hem bu uurda bakışlarlan ustalık işlerini ilerletmää deyni.
Fotoalbom çıktı Gheorghe ERİZANU önderciliindä “CARTİER” basım evindä. Onun ön sözünü yazdı moldovan yazıcısı Adrian ÇİBOTARU (CİUBOTARU). Albomun tekstlarını gagauzçaya çevirdi Todur ZANET.
Anaktar sözlär : Adrian CİUBOTARU, Alessandro VİNCENZİ, Gagauzlar . Fotoalbom, Gheorghe ERİZANU, Todur Zanet
