Kişinev Çokana sudu Kasımın 3-dä tekrar inceledi soruşu Moldovanın gagauz olan Baş prokurorun Aleksandr STOYANOGLUnun serbest brakılması için.
Edi saattan sora, daavacı Nikolay KORÇA açıkladı sudun Kararını – Baş prokuror Aleksandr STOYANOGLU taa 30 sutka ev arestında kalêr.
Baş prokuror Aleksandr STOYANOGLUya karşı daavayı açan prokuror Viktor FURTUNA presaya açıkladı, ani bu iş yapıldı o üzerä, ani “Aleksandr STOYANOGLU serbest brakıldıynan var nicä ortalıı karıştırsın”.
Sudun bu kararı için Baş prokuror Aleksandr STOYANOGLU ölä dedi: “Onnar hiç bir argumentımızı seslämedilär hem incelämedilär. Benim bişeydä kabaatım yok hem ne devletä, ne dä cümneye deyni korkulu diilim”.
