Eni tip koronavirus ortaya çıkınca Gagauziyada eni padişah peydalandı – Gagauziyanın Üstolan durumnarın Komisiyası (ÜDK), angısı istedii gibi durumu kullanêr, savaşıp bu belayı kontrol altına almaa, hem işini da ii mi, kötü mü, yapmaa.
Hem yapardı taa politkaya karışmayınca. Politikaya karıştıı gibi biz gördük, ani Gagauziya İspolkomu azası İvan KOLİOGLU başkannıı altında bulunan Gagauziyanın Üstolan durumnarın Komisiyası (ÜDK) “nestetti” arışlara. ÜDK, bir padişah gibi emir verip, istediini cezalêêr hem zapa koyêr, istediini afeder.
Bu emirlerin birisi da, maamilä surat saalııklarını korumaa deyni, koyuldu Gagauziya Halk Topluşun (GHT) deputatlarına, açan ÜDK zapa aldı onnarın 22.04.2020 günündä toplantısını.
Belliki, GHT deputatları bunda politika işi gördülär, çünkü, onnar sayêrlar, ani bu iş yapıldı onnarın aazlarını kapamaa deyni – Gagauziya Başkanı İrina VLAHın tarafından COVİD-19 salgınına karşı koymak için 34 milion 929 bin 910 leylik teklif edilän smetayı incelärkenä, deputatalar, ona uymayan soruşları koymasınnar deyni.
GHT deputatların neeti vardı toplantıyı “G.Gaydarcı” lițeyin zalında yapmaa, neredä kolaylık var insannar arasında lääzımnı aralıı korumaa. Nicä da olsa 22.04.2020 günündeki GHT toplanrısı olmadı.
Şindi, Gagauziya Halk Topluşun Prezidiumun kararına görä, GHT deputatları büün, Çiçek ayın (aprel) 27-dä, genä “G.Gaydarcı” lițeyin zalında toplanaceklar hem “Gündelik işindä” bu soruşları inceleyeceklär:
