Orak ayın (iyül) 16-da Gagauziyanın baş kasabasında Komratta açıldı Belarusiyanın şannı konsulluun ofisı. Konsulluun açılışı gözäl bir iş oldu, ama neçin sa onun tablosunda gagauz dilindä da yazmaa unutmuşlar, sansın burası Gagauziya diil gibi.
Gagauziyada Belarusiyanın şannı konsulu oldu Konstantin SİBOV. Açılış sırasında Belarusiya Kişinev Büükelçisi Anatoliya KALİNİN verdi Canabisinä diplomat statusunu gösterän dokumentleri hem ofisin mühürünü.
Belarusiyanın şannı konsulluun ofisinin açılışında pay aldılar Gagauziya Başkanı İrina VLAH, Gagauziya Halk Topluşu Başı Vladimir KISSA, GHT deputatları hem başkaları.
