bilim_merkezi (1)

29.12.2023, tarafından yazılı , BİLİM, BİLİM ÖMÜRÜ, CÜMNE BÖLÜMÜ, 210 KERÄ BAKILMIŞ

Bilim Merkezi 2023 çalışma yılını kapattı hem ödüllerini verdi

Krım ayın (dekabri) 28-dä Komrat regional resim Galereyasında Gagauziyan M. V. Maruneviç adına Bilim-aaraştırma Merkezi 2023 yılın yaptıklarınınnan hem gelecektä neetä koyulmuş plannarınnan paylaştı.

Bilim-aaraştırma Merkezi 2023 yılın yaptıklarını hem gelecektä neetä koyulmuş plannarı için, Komrat regional resim Galereyasında toplanan bilim, kultura, politika hem diplomat insannarı önündä nasaat etti bu merkezin başı İrina KONSTANTİNOVA. Canabisinin sözlerinin ekrandan resimnärlän donakladı, söz arası da insannara gagauzların istoriyasınnan ilgili başlangıç videosunnan tanıştırdı.

Belliki, Bilim Merkezi çalışma yılı kapanması sade laflan birmedi. İrina KONSTANTİNOVA çalışmaları için verdi ödül türk bilim insannarına hem şükür etti Türkiyeyä, Türkiye Gagauziya Komrat Başkonsulu Adnan HAYALa, Türkiye bilim insannarına o yardımnar için, ani Gagauziyaya hem Bilim Merkezinä yapêrlêr. Bundan kaarä, Gagauziyan M. V. Maruneviç adına Bilim-aaraştırma Merkezi başı şükür etti Komrat blagoçinyasına hem hepsinä, kim Bilim merkezinnän ortak çalıştı.

2023 çalışma yılının kapatmak sırasında verdi diplomalar o insannara da, kim Bilim-aaraştırma Merkezindä gagauz dili kursalrını başardı.
bilim_merkezi (2) bilim_merkezi (3) bilim_merkezi (4)

BİR CUVAP YAZIN