(Moldova Prezidentı seçimnerinä karşı)
Harman ayın (avgust) 1-dän Moldova Prezidentı seçimnerinä koşulmaya ofițial start verildi. Ama bu günü beklämedään dä, taa öncä, Prezident olmaa isteyän kandidatlar kendilerini açıklamaa başladılar.
O günädän Moldova Prezidentı olmaa deyni kandidatların sayısı 11-rä etiştiydi, ama Canavar ayın (oktäbri) 20-dä Moldova Prezidentı seçimnerndä kandidat olmaa isteyennerin arasından birisi, Evropalı Soțial-demokrat partiyasından Grigore BELOSTEÇNİK, bu neetindän çekildi.
Bunun ardına hemen taa dört kişi Moldova Prezidentı olmaa istediini açıkladı: eski prokuror Viktoriya FURTUNA hem eski korunmak ministrusu Valeriu PLEȘKA, “Enseyiş” blokundan Moldova parlamentın deputatı Vasiliy BOLÄ, “Birliktä” blokundan eski gençlik hem sport ministrusu Oktavian ȚIKU.
Taa ileri Prezident olmaa istediklerini belerttiydilär:
Maya SANDU, Moldovanın büünkü prezidentı;
İrina VLAH, Gagauziyanın eski Başkankası;
Aleksandr STOYANOGLU, Moldovanın gagauz olan eski Baş prokuroru;
İon KİKU, eski pemyer-ministru;
Vlad FİLAT, eski pemyer-ministru;
Tudor ULYANOVSKİY, eski dışişleri hem Evropaya integraţiya ministrusu;
Renato USATIY, “Bizim Partiya” partiyasının predsedateli;
Andrey NASTASE, eski içişleri ministrusu;
Nataliya MORAR, jurnalistka;
Vasiliy TARLEV, eski pemyer-ministru.
