Dünnää şaştı, açan gördü nicä Türkiyedän becerikli atıcı Yusuf DİKEÇ, pnevmatika pistolettän 10 metraya ateş etmektä, maasuz tertipleri kullnmadaan hem bir eli cöbündä, Parijda geçän XXXIII-cü Yaz Olimpiada oyunnarında gümüş medaliya aldı.
Olimpiadada pnevmatika pistoletindän 10 metraya ateş etmektä, Yusuf DİKEÇ atıcıyka Şevval İlayda TARHANnan bir ortak komanda olarak, gümüş medaliyayı aldılar.
Bu iş, bekim, sıradan bir iş olaceydı, ama bu uurda medali istoriyada Türkiye için ilk olduu için hem Yusuf DİKEÇin atışta maasuz tertipleri (gözlük hem kulaklık) kullnmaması hem bir eli cöbündä olduu için, bu adam dünnää cümne aalarında türlü memnarın da kahramanı oldu.
51 yaşındakı Yusuf DİKEÇ, başlayıp 2008-ci yıldan beeri, hepsi Olimpiadalara katıldı, ama burada medali ilk kerä aldı.
Şevval İlayda TARHAN sa 24 yaşında hem artık Evrupa karılar takım rekordun, Dünnää çempionatın hem da Olimpiadanın gümüş madalilerin saaabiykası.
