Geçennerdä “Birlikte iyilik” cümnä Birliin başı Ruslan GARBALI bildirdi, ani bir aradan sora bu cümnä Birlii insannara yardımnar çalışmalarını ilerletmää başladı.
Bu çalışmaların ilk büük meropriyatieyası oldu Çiçek ayın (aprel) 9-da Çadır kasabasının 5-ci uşak başçasında. Bu uşak başçasının öndercisi Valentina ŞPATAKOVSKAYA danıştı “Birlikte iyilik” cümnä Birliin başına Ruslan GARBALIya yardım için. Canabisi bildirdi, ani bu uşak başçasında artık 50 yıl yorgançilär hem yastıcaklar enilenmedi.
“Birlikte iyilik” cümnä Birliin başı danıştı Çadırdakı “Yapaa-servis” firmasına da teklif etti birliktä bu uşak başçasına yardım etmää. Firmanın saabileri Pötr Daniloviç hem Lüdmila Pavlovna GARBALIlar büük havezlän işä katıldılar. Da Çiçek ayın (aprel) 9-da bu uşak başçasına birliktä baaşladılar 27 takım yorgançi hem yastıcak.
Belliki uşak başçasının öndercilerinin hem ana-bobalar tarafından bu büük yardım candan-ürektän kabledildi hem baaşlayannara şükür edildi.
Not. Şindi “Birlikte iyilik” cümnä Birliin neetindä var taa iki büük iş yapmaa: Komrat kasabasının DSU maalesindä uşak meydancıı kurmaa hem Dizgencä küüyün liţeyindä 100 kişi için “Şkola hem klisä: uşakların üürenmesindä ortak çalışmak” adlı seminar yapmaa.
