Ütülü küüyün “Saveliy Ekonomov” Teoretik Lițeyi Cümne Kuruluşun 12-ci klasını başaran üürenciyka Viktoriya UZUN bakalavra ekzamennarın 5-dän 3-dä, avtomat olarak, “10” ball kableder.
2024-2025 üürenmäk yılında, gagauz, romın hem rus dillerindä respublikadakı Olimpiadalarda pay alıp, Ütülü küüyün “Saveliy Ekonomov” Teoretik Lițeyi Cümne Kuruluşun 12-ci klasın üürenciykası Viktoriya UZUN bu Olimpiadaların prizöru oldu. Bu üzerä o gagauz hem romın dillerindä bakalavra ekzamennarında, avtomat olarak, “10” ball kableder hem onnardan serbest brakılêr.
Taa bir bakalavra ekzamenında da – anglicada – Viktoriya UZUN, avtomat olarak, “10” ball kableder hem ondan serbest brakılêr, çünkü kendisindä Halklararası IELTS (International English Language Testing System) sertifikatı var.
Şindi Viktoriya hazırlanêr kalan 2 ekzamena: birincisi – romınnarın istoriyası hem dünnä istoriyası; ikincisi dä – himiya.
