Gagauz Respublikasının 28-ci yıldönümü Harman ayın (avgust) 19-da, Komratta başlayıp, Çadır kasabasında kutlandı. Bunun sebepi o, ani Komratta etiştirämedilär o günädän Kultura Evin remontunu başarmaa. Yortunun kutlaması Gagauz Respublikasını kurannarın aazlarını kapamaklan, uzun hem boş konuşmalarlan hem fonogrmalarlan geçti.
Kutlamalar başladı Komratta Şan Aleyasına çiçek koyulmasınnan. Sora Gagauziyanın büükleri hem musaafirleri Çadır kasabasına yollandılar da oradakı Kultura Evindä yortulu toplantıda pay aldılar, vermeyip söz onnara kim halizdän Gagauz Respublikasını kurdu.
Söz gider Konstantin TAUŞANCI için, angısını bir polițiya “polkovnik”ı kolvermedi tribunaya, kapadıp adamın aazını.
Öndercilerin uzun hem boş sözlerindän sora, Gagauz Respublikasının yıldönümünnän ilgili yortulu konțert oldu.
O konțerttä siiredicileri ahmak erinä saydılar. Sțenaya çıktı bir sünmüş türkücü, ani sesi şindän sora yok, gıcırdayan seslän lafetti da sora, yaptı kendini, ani çalêr türkü, seslendirip inasnnara fonograma. Bu esapsızlıı ilerlederäk, Gagauziyanın kuvedinä izmet edän presa hererdä yazdı ne büük adammış bu “türkücü” hem ne gözäl çalmış bu konțerttä.
Konțerttän sora da Gagauziyanın Halk Topluşu Başını hem Gagauziya Başkanı belli kişilerä deyni imäk verdilär.
Todur ZANET, Gagauz Milli Gimnanın avtoru
