Kirez ayın (iyün) 6-8 günnerindä İtaliyanın Busto-Arsizio kasabasında geçti WKSF 2025 gira sportunda Dünnää çempionatı, angısında Moldova komandasında pay aldı Gagauziyanın Kırlannar küüyündän anılmış gagauz gira sportçusu Nikolay FRANGU da.
Nikolay FRANGU 32 kg giraların “çift kombinațiyada” (koparma + itirmä) bu çempionatın gümüş medalisini kazandı.
“İki girayı itirmä” kombinațiyasında Nikolay FRANGU 32 kg giraları 10 minudun içindä 73 kerä kaldırdı, “bir ellän girayı koparma hem kaldırma” kombinațiyasında sa 72 kaldırma yaptı.
Not. Gagauziyanın Kırlannar küüyündän anılmış gagauz gira sportçusu Nikolay FRANGU 2024-cü yılda Polşanın Rzeszów kasabasında olduu gira sportunda Dünnää çempionatın çempionudur.
