Kirez ayın (iyün) 19-da Komrat “Mihai Eminesku” Teoretik Lițeyi Cümne Kuruluşunda, Gagauziya üüredicilik Upravleniyasının öndercileri çaarılmadaan, Gagauziyanın ön üüredicilik kuruluşlarında (uşak başçalarında) gagauz dilindä üüredicilerin durmamayca üüredicilik Programası sırasına start yapıldı.
Gagauziya üüredicilik Upravleniyasının öndercilerinin çaarılmadıklakı bu sırada pay aldılar Moldovanın üüredicilik hem aaraştırma ministrusu Dan PERÇUN (Dan Perciun) hem Moldova Prezidentı Maya SANDU.
Açıklandı, ani bu 3 aylık Programanın üüredicilik kursalarında pay alacek 56 uşak başçasından 74 terbiedici hem terbiediciyka. Bu iş için Moldovanın üüredicilik hem aaraştırma ministrlii 290 080 ley para ayırmış. Komratta start verilän bu programanın iki dalı var: lingvistika hem psihopedagogika.
Ministru Dan PERÇUN (Dan Perciun) romın lițeyindä açıkladı: “Biz gagauz dilin önä sürmesi için programaların kurulmasına aarlık verecez, ki bu iş aslıya çıksın deyni”.
Bu arada Gagauziya Başkankasının taraftarı hem Gagauziya cümne insanı İvan STAMOV internet cümne aalarında açıkladı, ani ona hem başka aktivistlerä polițiya tarafından uyarı yapılmış, ki “Moldova Prezidentı Maya SANDUnun Gagauziyaya gelmesinä lekä konmasın deyni, onnar evlerindän çıkmasınnar hem, protest için, bolay Komrada gelmesinnär”.
Foto: facebook.com/mec.gov.md
