Moldovanın devlet gidrometeo servici Orak ayın (iyül) 26-27 günnerinä, hava durumu beterinä hem üüsek temperaturalar beterinä, sarı hem turuncu kod durumunu açıkladı.
Açıklamaya görä Gagauziyada hem Moldovanın bütün üülen tarafında turuncu kod durumu bildiriler – burada gölgedä +39°C beklener. Moldovanın poyraz hem merkez rayonnarında sa sarı kod durumu kurulêr – burada gölgedä +35°C olaceymış.
Bu durumda teklif ediler:
– sıcaklıın göbeendä güneştä kalmaktan korunun;
– nekadar çok su için;
– incä hem açık renkli giyimneri giyin;
– açık havada iş yapmaktan vazgeçin;
Lääzım olursa hemen medițina yardımı için danışın.
