Ceviz ayın (sentäbti) 19-da Büük Britaniya raametli korolevasını II-ci Elizavetayı Vinzor Kalesi (Windsor Castle) Ay Georgi çasovnäsında bulunan aylä mezarında gömdülär.
Ceviz ayın (sentäbti) 8-dä 97 yaşında ölän Büük Britaniya korolevasını II-ci Elizavetayı Ceviz ayın (sentäbti) 19-da Vinzor Kalesi (Windsor Castle) Ay Georgi çasovnäsında bulunan aylä mezarında, taa ileri raametli olan eşinin prinț Filipın yanında, gömdülär.
Bildiriler, ani II-ci Elizavetanın son yoluna geçirilmesi sırasında pay aldı 2 bindän zeedä insan, angılarının arasında vardılar yabancı devletlerdän ofițial kişilär, ölä, nicä prezidentlar, parlament başları hem premyer-ministrular. Pay aldı orada Moldova Prezidentı Maya SANDU da.
Hep ölä bildiriler, ani ölüyü gömmä sırasına çaarılmadılar Rusiyanın hem Belarusiyanın büükleri.
II-ci Elizaveta 70 yıl bulundu Büük Britaniya monarhlık tahtasında, nereyi pindi 1952-ci yılın Küçük ayın (fevral) 8-dä, kendisinin bobasının, korol VI-cı Georgın, ölmesindän sora.
Büük Britaniya eni korolü, III-cü Karl, oldu 73 yaşındakı Uels prințı Çarilz (Charles Philip Arthur George).
Patretlär: Büük Britaniya korollük evinin
