Kirez ayın (iyün) 1-dä Gagauziyanın Komrat regional resim Galereyasında, artık adet olarak, açıldı Gagauziya uşak resimci şkolaların körpä resimcilerinin yaratmaların sergisi – “Büük işlerin körpä ustaları”, angısı adandı “Halklararası uşakları korumak Günü”nä.
Gagauziyanın Cadır, Komrat hem Valkaneş uşak resimci şkolaların körpä resimcileri bu sergiyä toplam 148 resimnän katıldılar, bildirer Gagauziya kultura Upravleniyası.
Çeşitli tehnikalarda yapılı uşakların resimneri büük meraklık gösterdi açılış gelennerä. Kalanı, kim o günü sergiyä gelämedi, var nicä bu onunnan Kirez ayın (iyün) 30-dan tanışsınnar.
