stepan_tabakar (1)_1

08.06.2023, tarafından yazılı , CÜMNE, SPORT BÖLÜMÜ, 275 KERÄ BAKILMIŞ

Gagauziyadan şaşkici Moldovada bronzayı aldı

Gagauziyadan 14 yaşındakı şaşkici Stepan TABAKAR Moldovanın büüklär arasında şaşki çempionatında bronza medaliyi almaa becerdi.

Kirez ayın (iyün) 4-dä Kişinev kasabasında olan Moldovanın büüklär arasında şaşki çempionatında, 8 oyundan 5-ni enseyip, Gagauziyadan 14 yaşındakı şaşkici Stepan TABAKAR çempionatın bronza medalisini almaa beçerdi.

Stepan TABAKAR, Moldovanın şaşkilerdä milli komandasında oynayarak, Evropa hem Dünnää çempionatlarında pay aldı, neredä en islää ouncuların onunun arasında er kazandı.

Şindi Stepan TABAKAR hazırlanêr pay almaa Moldovanın gençlär arasında U-17 şaşki çempionatında. Herliim orada becerärsä ensemää, ozaman onun kolaylıı olacek Dünnää çempionatında da pay almaa, engısı geçecek bu yılın Canavar (oktäbri) ayında  Türkiyenin Alanya kasabasında, bildirer Gagauziya gençlik hem sport işlerindä Upravleniyası.
stepan_tabakar (2)_1

BİR CUVAP YAZIN