Büün, Paskellä yortusundan sora dokuzuncu gündä, hristiannar bakêrlar Küçük Paskelleyi (Ölülerin Paskellesini).
Bu yortuda gagauzlarda hepsi insannar savaşêêrlar yakınnarının hem senselelerinin mezarlarına gitmää da raametli yakınnarını anmaa. Aşırıda yaşayanar da çalışêrlar, ana tarafına dönüp, mezarlarını dolaşmaa.
Ölülerin canı için pomana (kolaç, çanak-çölmek, su, şarap) ileştirerlär hem mezarlar günnüklän tütüdüler. Popazlar da mezarlıkta koliva okuyêrlar hem hepsi mezarların yanında dua yapıp, onnara ayazma serper.
