Kasım ayın 3-dä Moldova Parlamentı kabletti zakonu, angısına görä Çadır, Edineţ, Hınçeşt, Kaul, Orhey, Soroka, Straşen hem Ungen kasabalarına muniţipiy statusu veriler.
Bu zakon kuvedä geçecek 2017-ci yılını Büük ayın (yanvar) ayın 1-dä.
Büünkü günädän Moldovada 5 muniţipiy vardı: Belţ, Bender, Kişinev, Komrat, hem Tiraspol.
Ne o kasaba hem ne o muniţipiy:
kasaba – büük bir er, neredä erleşmişlär hem yaşêêrlar insannar, angıları çiftçiliklän zanaatlanmêêrlar. Kasabada var industriya infrastrukturası, arhitektura hem injenerlık yapıları, ani insannarın yaşamasına kolaylık vererlär.
muniţipiy (latinca: municipium – “baaşış, borç, izmet”) – Rim İmperatorluunda kasaba, angısının insannarına Rim yustiţiya tarafından kendi başına olmaa hakkı verilirdi.
