Kırım ayın 21-dä, Çadır kasabasının Kultura merkezindä odu bir yortulu sıra, neredä Çadır № 1 “Vasilök” (gag: “Mitliga”) uşak başçasının (Çadır 1-ci EÜK) 80-ci yıldönümünü kutladılar.
Çadır № 1 “Vasilök” (gag: “Mitliga”) uşak başçasının (Çadır 1-ci EÜK) 80-ci yıldönümünü kutlamasına geldilär üşak başçanın zaametçileri, analar-bobalar, bu uşak başçasından ömürünü başlayan insannar, Moldova üüredicilik hem aaraştırma ministrliin hem Gagauziya üüredicilik Upravleniyasının temsilcileri, Çadır primarı hem kasaba Sovetin başı, Çadır lițeylerin direktorları, bir popaz hem sıradan insannar.
Bir buçuk saatlık kutlamada uşak başçanın zaametçilerin adına en sıcak hem tatlı laflar sölendi, Gramotalar hem Diplomalar verildi hem, belliki, para ödülleri dä unudulmadı.
Bütün bu kutlamakta Çadır № 1 “Vasilök” (gag: “Mitliga”) uşak başçasının zaametçileri hem uşakları gözäl konțert nomerlerinnän kendilerinin yıldönümü sırasına gelenneri şennedirdilär.
