Güçlü toplumnar sade saa temellerä dayanan aylä yapılarınnan olabilirlär. Bu annayıştan yollanıp, Türkiye Republikasının Aylä hem Soțial izmetleri ministerlii, Türkiye Respublikası Prezidentı Sayın Recep Tayyip ERDOĞANın kanadı altında, 2025-ci yılı “Aylä Yılı” çerçevesindä aylelerin lääzımnı isteklerini karşılayan çözüm yolları geliştirmeyi hem aylä uuruna uyan soțial politikalarını ilerletmeyä keezi olan çalışmalarını ilerleder.
Memleket kuvetleri urgulêêrlar, ani “Aylä Yılı” – bu yalnızca bir tema yılı diil, ama hep o zamanda bu ayleyä doorulu bir uzun vakıtlı politikanın başlangıcı. Bu kapsamda, önümüzdeki on yıl içersindä iş ömüründän üüredicilää, kulturadan kasaba plannamasına, tehnologiyadan soțial politikalarına kadar, bütün alannarda, ayleyi merkezä alan güçlü adımnar atılması için, Prezident Sayın Recep Tayyip ERDOĞAN, 2026-2035 dönemini “Aylä hem Halk Sayısı On Yılı” olarak bildirildi. Bundan kaarä, halk sayısı politikalarının memleket genelindä eş koordinațiya içersindä hem bütün olan bir yaklaşımnan oluşturulmasını hem taa etkin uygulanmasını saalayacek, demografiya yapıdakı gelişmeleri izleyip kantarlayacek “Halk Sayısı Politikaları Kuruluşu” kuruldu.
Halklararası düzenindä taa güçlü bir aylä diplomatiyanın geliştirilmesi uurunnan, demografiya diişimneri, aylä kuruluşun güçlendirilmesi hem aylä dostu kasabalar konularında koordinațiyalarda bulunmak üzerä, 26 ayırı memelekettän Bakannar uurunda katılımasınan, may ayında İstanbulda Halklararası Aylä Forumu düzennendi. Forum içersindä “Aylenin Güçlendirilmesi Bakannar Deklarațiyası” hem “Koruyucu Aylä Bakannar Bildirisi” imzalandı.
