Gagauziyanı Çadır kasabasının Mihail ÇAKİR teoretik lițeyindä, inovațiya urokların genişlenmesinä yol vereräk, Türk İşbirlii hem Koordinaţiya Agenstvosu Başkannıın (TİKA) tarafından Tehnoklas kurulması proektı başarıldı.
TİKA yardımınnan Çadır kasabasının Mihail ÇAKİR teoretik lițeyindä kurulan Tehnoklasa noutbuklan printer, lazer proektoru, ekran, 35 planşet, bir plazma televizoru hem țifralı mikroskop verildi. Bundan kaarä fizika, himiya hem biologiya klaslarına alındı çeşitli harçamalı materialları hem oborudovaniye komplektı.
Lițeyin zaametçilerinin hem Cadır primariyası yardımınnan klasta kapu-pençerä hem erlär diişildi hem dä remont yapıldı.
Bu Tehnoklasın kurulması verecek kolayını üürencilär kompyuter programaların yapılmasınnan robototehnikayı üürensinnär hem türlü labaratoriya opıtlarını yapsınnar.
