Gagauziya (Gagauz Yeri) avtonomiyasının kuruluşun 29-cu yılına adanmış olarak, Komrat kasabasının D.A. MAVRODİ teoretik lițeyindä geçti pek gözäl bir peet yarışması – “Okuyêrız gagauz avtorların şiirlerini”, angısında pay aldılar bu lițeyin 5-12 klaslardan üürencileri.
“Okuyêrız gagauz avtorların şiirlerini” yarışmasını hazırladılar hem geçirdilär Komrat kasabasının D.A. MAVRODİ adına teoretik lițeyin gagauz dilindä hem literaturasında üürediciykalar Stepanidä Stepanovna VARBAN hem Ekaterina Antonovna MUTKOGLU. Belliki, nicä düşer büük yarışmalarda, uşakların vergilerini kantarlamaa deyni, jüri da kurulmuştu.
İlersini alarak, lääzım söleyelim, ani yarışmada hepsi peet okuyannar kendilerini pek talantlı gösterdilär hem jüri erlär tarafından türlü nominațiyalarda enseyenneri üzä çıkardı.
Yarışmada o günü gagauz poetların peetlerini okudular üürencilär: Elizaveta NEGARA (5 “b” klas), Vera TODOROVA (5 “b” klas), Anastasiya YAKİMOVA (5 “a” klas),
Tatyana BAŞÇAVANCI (6 “a” klas), Olga MİHAYLOVA (6 “b” klas), Mariya GLAVÇEVA (7 “a” klas), İlya NİKOLOGLU (7 “a” klas),
Yuliya DERMENCİ (8 “b” klas), Anna DOYÇU (8 “b” klas), Vlada GANÇİOGLU (8 “a” klas), Yuliya TOPAL (8 “b” klas), İrina MİNÇOGLU (9 “a” klas), Marina PETROVA (9 “b” klas),
Aleksandr GUBOGLU (10 “a” klas), Darya RADİONOVA (10 “a” klas), Roman BALABAN (11 “a” klas), Andrey KİHAYOGLU (11 “a” klas), Anastasiya SIRBU (12 “a” klas), hem Karina STANÇU (12 “a” klas).
Peet okumaktan kaarä, lițeyin üürencileri o günü gagauz tükülerini çaldılar hem gagauz oyunnarını oynadılar.
Genç hem talantlı peet okuycularına ihlam vermää hem arka olmaa deyni D.A. MAVRODİ adına teoretik lițeyindä bu literatura sırasında baş musaafir oldu gagauz yazıcısı hem poetı Todur ZANET.
