Çadır kasabasının “Mihail ÇAKİR” teoretik lițeyindä, romın dilini taa derindän üüretmää hem ona aarlık vermää deyni, bu yıl romın dili klaslarında remont yapıldı hem oralara eni mebellän oborudovaniye alındı.
Geçennerdä, Çadır “Mihail ÇAKİR” lițeyin enilenän romın dili ofițial açılışı için, burayı, Moldovanın üüredicilik hem aaraştırma ministrusu Dan PERCIUNun başkannıında, Kişinevdan bir delegațiya geldi. Delegațiyada vardılar ministerliin zaametçileri hem Moldova parlamentın deputatları.
Hepsi bu enileklär için annadarak, ministru Dan PERCIUN urguladı, ani “bu işlär için para verdilär: “People in Need Moldova” halklararası kuruluşu – 444 000 ley (remont hem inovațiyala için) hem 2,7 milion ley (şkolanın energiya efektlii için), Moldovada Birleşik Milletllerin kaçaklar işleri “UNHCR-Moldova” kuruluşu – 115 000 ley (mebel hem oborudovaniye için), Romıniya Pravitelstvosu – 100 000 ley (klasların remondu için). Bundan kaarä Romıniya Pravitelstvosu baaşladı şkolaya literatura kiyatlarını da.
