Komrat “Nikolay Tretyakov” teoretik lițeyi cümne kuruluşunda “Gelecään klası”nı açmaa hem bu lițeyä bir şkola avtobusu baaşlamaa deyni burayı Moldovanın üüredicilik hem aaraştırma ministrusu Dan PERCIUN geldi hem bu sıraları başardı.
Moldovanın üüredicilik hem aaraştırma ministrusu Dan PERCIUN açıkladı, ani “bu yıl, Romıniya Pravitelstvosunun yardımınnan, Moldovadakı üüredicilik kuruluşlarına satın alındı 69 şkola avtobusu, angılarından birisi bu gün Komrat “Nikolay Tretyakov” lițeyinä baaşlanêr”.
Söleyeräk burada kurulan “Gelecään klası” için, ani denkleşer büünkü tehnologiyalarlan hem üüredicilik proțeslarınnan, ministru Dan PERCIUN urguladı, ani “bu klasın kurulması kolaylıı oldu Moldovanın üüredicilik hem aaraştırma ministerliin işbirliinnän”Gelecää tehnologiyası” (Innovate Moldova) proektınnan, ani ömürä geçiriler Moldovada Şvețiya Büükelçiliin “USAID Moldova” hem Büük Britaniyanın Büükelçiliin hem da țıfra tehnologiyaları koordinațiyası Milli merkezin parasınnan. Bu işä koordinațiya yapêr “Clasa Viitorului” üürediciliktä țifralı inovațiyalarda Milli merkezi”.
Kendi tarafından “Nikolay Tretyakov” teoretik lițeyi cümne kuruluşun direktoru Polina Sergeevna PINTÄ hem bütün kolektiv şükür ettilär Romıniyaya hem Moldovanın üüredicilik hem aaraştırma ministerliinä bu pek paalı baaşışlar için.
