Baba Marta ayın 4-dä Çadır kasabasında oldu ilk halklararası güreş turnirı küçük yaşta uşakların arasında, angısı adandı Afganistanda cannarını kurban verän afgan-askerlerin anmasına. Turnirda pay aldı 22 komanda (yaklaşık 115 uşak) Moldovadan, Romıniyadan, Ukrayndana hem Gagauziyadan.
Turnirı hazırladılar Çadır kasabasının primariyası hem muniţipiy Sovetı, Çadır kasabasının sport şkolası, Çadır rayonun administraţiyası hem da Gagauziyanın gençlik hem sport Upravleniyası.
Turnira çaarıldılar Çadır rayonundan Afganistanda cannarını kurban verän afgan-askerlerin Mihail MOLLAnın hem Pötr KAZMALInın (Çadır kasabası), Boris YANAKOGLUnun (Kıpçak küüyü), Harlampiy BEJENARın (Aydar küüyü) hem Grigoriy YANEVın (Kazayak küüyü) yakınnarı.
Afganistanda cannarını kurban verän afgan-askerlerin anmasına güreş turnirın hepsi prizörlarına verildi medali hem gramota.
Turnirın açılışında oldu komandaların paradı hem bir konţert, angısını gösterdilär Çadır “Çudo deti” ansamblisi hem “Arlekin” ţirk studiyası, bildirer Çadır kasabasının ofiţial saytı http://ceadir-lunga.md/.
