Kirez ayın 13-14 gecesi bakırdan dökülän yaamurlar hem fırtına Gagauziyanın Çadır kasabasına büük bela getirdi: Çadırı selläär bastı.
Yamurlar gölleri doldurdular. Dolu göllerin suları da, tıynakları yıkıp, sellerä döndülär. Sellär da bütün kuvetlän yolları hem köprüleri söktülär, aullarlan maazaları hem pınarları doldurdular, evlerin temellerini aldılar, duvarları hem aulları yıktılar, pannerın tükännarında malları bozdular.
Para olarak bu belanın zararı 8 milion leyi buldu. En büük zararlar Çadır kasabasının Stratan deresini şayırında bululunan evlerä oldu. Bütün çadırda zarar 107 evä dokundu. Onnarın 9-zu yıkık. 59 maaza suylan dolu. Çadır kasabasının 40 sokaanda 22 kilometra yol bozuk.
Yıkık evlerdän 36 kişi kaldırıldı. Onnarın 9-zu uşak.
Kırlarda kimi taralaların bereketi 30-dan 100 proţentädan zän oldu.
Çadırda durumu incelemää deyni Moldova Pravitelstvosu maasuz bir toplantı yaptı. O toplantıda karar alındı Çadıra yardım için 8 milion leyi bücettän vermää. Bundan kaarä zarar görän insannara da para yardımı yapılacek.
Çadır kasabasının primariyası buyur etti çadırlılar cumaaya, Kirez ayın 17-nä, kasabanın temizlemäk subotniinä çıksınnar.
Çadır kasabasında üstolan durum kuruludu.
Foto – gagauzinfo.md
