Kasım ayın 30-da Çeşmäküüyün lițeyi büük hem gözäl bir yortulu sıraylan kendisinin 60-cı yıldönümünü kutladı.
Çeşmäküüyün lițeyin bu yortulu sırasında pay aldılar onun şindiki hem veteran üüredicileri, şkolanın vıpusknikleri hem başka üürencilär, komşu şkolalardan hem Valkaneş rayon administrațiyasından musaafirlär.
Kutlama hem konțert programası sırasında, kurulu masaların başında, kolaylık oldu musaafirlär, şkolanın vıpusknikleri hem üüredicelär konuşsunnar hem kendi aralarında lafetsinnär.
Bu yortulu yıldönümü sırasını yapmaa deyni sponsorluk yardımcılıı yaptılar bu şkolanın vıpusknikler hem lițeyin bütün kolektivı.
