Gagauz Halkin_2-ci_Syezdi

14.12.2024, tarafından yazılı , CÜMNE, POLİTİKA BÖLÜMÜ, 160 KERÄ BAKILMIŞ

Uşak duarkana yarı yolda kalmarsa, Küçük ayın 15-dä dünneyä geleceymiş

Komrat meydanında miting yapan cümne insannarın “bütün bir milletin genoțidını durgutmaa” deyni danışmasına görä, 2024-cü yılın Kırım ayın 6-da Gagauziya Halk Topluşu (GHT) 22 oylan aldı karar, ani “Gagauziyanın hepsi uurlarda deputatların Kongresi”ni 2025-ci yılın Küçük ayın 15-dä yapmaa.

Pek islää bir karar, ama vakıdında diil, zerä yazık ona, ani eşecik öldü artık, çünkü bu Kongres lääzımdı olsun taa beş yıl geeri, açan Gagauziya üstünä korkunç baskılar başladı hem Gagauziyayı yok etmäk için, ozaman kuvedä gelän “Çalışmak hem Birlik” (PAS) politika partiyası taa kökleşmediydi hem milletimizin üstünä selleri açmadıydı. Ama ozaman Gagauziyada kuvettä bulunnar, neçin sä, donnarına nestettilär bu iştän vazgeçtilär. Osa Kişinev izin vermedii için mi bunu yaptılar. Bezbelli şindi donnar kurudu hem Kişinev “Gagauziyanın hepsi uurlarda deputatların Kongresi”ni yapmaa deyni izini verdi.

Bu için biz birkaç kerä yazdık: 2023-cü yılın Canavar ayın  (oktäbri) 12-dä – https://anasozu.com/hepsi-uurlarda-deputatlarin-kongresi-toplanincak-esecik-var-nica-olsun/ hem  2023-cü yılın Kasım ayın  (noyabri) 29-da – https://anasozu.com/esecik-oldu-gagauziyanin-mezarindan-titsi-bir-esma-eser/.

Nicä da olsa, uşak duarkana, adika “Gagauziyanın hepsi uurlarda deputatların Kongresi”, yarı yolda kalmarsa, Küçük ayın 15-dä dünneyä geleceymiş.

Beni taa bir iş zeetler: GHT bu kararı alaceykana Gagauziyanın tenini emän ölä denilän “Gagauz Yeri aksakallar birlii” kuruluşundan izin aldı mı acaba?

Akademik hem poet Todur ZANET, Gagauz Millli Gimnanın avtoru

BİR CUVAP YAZIN