vostocniy_bazar (1)

16.12.2024, tarafından yazılı , ANSAMBLİLÄR, CÜMNE, KULTURA, KULTURA ÖMÜRÜ, POLİTİKA BÖLÜMÜ, 134 KERÄ BAKILMIŞ

“Düz Ava” gagauzları “Kazanda Vostoçnıy Bazar” Festivalindä gösterdi

Kasım ayın 20-30 günnerindä Rusiyanın Tatarstan Respublikasında geçti III-cü “Rusiya-Vostok” türk hem dou halkların milli kulturaların “Kazanda Vostoçnıy Bazar” Halklararası festivali. Bu festival büünkü gündä tek olan bir festival, ani herkerä toplêêr dolay yanında bütün türk halkların artistlerini, türkücülerini hem muzıkaylan ilgili kultura insannarını.

Bu on gün sürtän III-cü “Rusiya-Vostok” türk hem dou halkların milli kulturaların “Kazanda Vostoçnıy Bazar” Halklararası festivalindä pay aldılar Rusiyanın 20 erindän hem dünneyin 30 devletindän 50 milli kulturanın temsilvileri. Onnarın arasında vardı Gagauziyanın Semön POMETKO adına “Düz Ava” örnekli türkü hem oyun halk ansamblisi (öndercisi – Tatyana ŞÇEGOLEVA, horeograf – Viktor GRADİNAR), angısı becerdi en islää uurda hem en gözäl taraftan göstermää bu önemni Halklaraarası sırasında gagauzları, gagauz kulturasını hem onun zenginniininnän parlamasını.

Büük ustalık hem incäzanaat iisiksizlii için Gagauziyanın “Düz Ava” örnekli türkü hem oyun halk ansamblisinin, benzemesi olmayan ustalıını tanıyarak, III-cü “Rusiya-Vostok” türk hem dou halkların milli kulturaların “Kazanda Vostoçnıy Bazar” Halklararası festivalin jürisi verdi bu ansambliya festivalin I-ci uurda Laureat diplomasını.
vostocniy_bazar (2) vostocniy_bazar (3) vostocniy_bazar (4) vostocniy_bazar (5)

BİR CUVAP YAZIN