bunaklık

29.11.2023, tarafından yazılı , CÜMNE, POLİTİKA BÖLÜMÜ, 297 KERÄ BAKILMIŞ

Eşecik öldü: Gagauziyanın mezarından titsi bir esmä eser

2023-cü yılın Canavar ayın  (oktäbri) 12-dä biz yazdıydık “Hepsi uurlarda deputatların Kongresi toplanıncak eşecik var nicä ölsün” adlı haberi, neredä sansın fal atmışık, ani bu Kongers, nicä neetä koyulmuştu, Kırım ayın (dekabri) 9-da olmayacek (bak: https://anasozu.com/hepsi-uurlarda-deputatlarin-kongresi-toplanincak-esecik-var-nica-olsun/).

Kasımın 28-dä, Gagauziya Halk Topluşu 12 oylan aldı karar, ani Gagauziyanın “Hepsi uurlarda deputatların Kongresi”ni Kırım ayın (dekabri) 9-da yapmamaa da geçirmää onu belli olmayan bir günä.

Bu karar için dä temelä alınmış uydurma bir “Gagauz Yeri aksakallar birlii” kuruluşun danışması, neredä “nasaat” veriler bütün gagauz halkın adından seçilän deputatlara ne yapmaa.

Fasıl iş. Stalin zamannarına benzeyänbir iş. Şaşmaa da buna diil lääzım, zerä o bunaklık “nasaat” kiyadını okuduynan oradan, sansın Gagauziyanın mezarından, titsi bir esmä eser.

Akademik hem poet Todur ZANET, Gagauz Millli Gimnanın avtoru

BİR CUVAP YAZIN