Türkiye Respublikasının kurucusu Büük Mustafa Kemal ATATÜRK baaşlamış Türkiyenin uşaklarına “Gençlär hem Çocuklar Bayramını” (gençlär hem uşaklar yortusunu). Bu yortu her yılın Çiçek ayın (aprel) 23-dä bakılêr.
Artık birkaç yıl sıravardı Moldovada Türkiye Büükelçilli bu gündä, Moldovadakı uşaklar hem gençlär için “ARTİCO” merkezinnän birliktä, “ARTİCO” merkezindä üüsüzlerä, internat üürencilerinä, uşaklı aylelerä deyni şenniklär yapêr.
Bu yıl da ölä oldu. Uşaklara deyni Türkiye Büükelçisi sayın Mehmet Selim KARTAL hem Canabisinin eşi Banu Cankan KARTAL hanum-efendi genä büük, gözäl hem şenniklän dolu bir programa hazırladılar. O programaya görä, Kongaz küüyün “Suleyman DEMİREL” liţeyin, “Orizont” liţeyin hem Moldova şkolaların üürencileri sţenadan kendi artistlkliini gösterdilär. Bundan kaarä yortuya katılan uşaklara türk imekleri ikram edildi hem türlü interaktiv oyunnara katılmaa kolaylık uygulandı.
Yortuya katılmaa deyni Kişinevun 2-ci internetından uşaklar maasuz teklif edildi.
Foto – “AS” arhivından.
Anaktar sözlär : 23_nisan
