fotokonkurs (1)

26.12.2024, tarafından yazılı , CÜMNE, İNCÄZANAAT, KULTURA ÖMÜRÜ BÖLÜMÜ, 167 KERÄ BAKILMIŞ

En islää fotoları için ödüllerini kablettilär

Kırım ayın 18-dä Gagauziyanın Regional resim Galereyasında oldu Gagauziyanın kultura Upravleniyası tarafından seftä yapılan hem Gagauziyanın 30-cu yıldönümünä adanmış olan “Kadrada zaman” foto yarışmasının sonuçların açıklaması hem bu adlan foto sergisinin açılışı.

“Kadrada zaman” foto yarışmasının sonuçların açıklaması hem foto sergisinin ofițial açılışını yaptılar Gagauziya Başkankası Evgeniya GUȚUL hem Gagauziya kultura Upravleniyası başı Marina SEMENOVA.

Yukarda adı belertilän foto yarışması yapıldı 5 nominațiyada hem ona katıldı 11 foto ustası hem genç fotografçılar.

“Kadrada zaman” foto yarışması jürisinin açıklamasına görä, nominațyalarda erlär bölä payedildi:

“Grand-pri” nominațiyasının ödülünü kazandı Zinaida KOVALÖVA.

“Gagauziya – 30” nominațiyası:

1-ci er – Todur ZANET;

2-ci er – Diana BOEVA;

3-cü er – Mariya GAGAUZ.

“Kultura varlıı” nominațiyası:

1-ci er – Natalya MUTAF;

2-ci er – Mariya ARNAUT;

3-cü er – Marina ANGELÇEVA.

“Tabiat” nominațiyası:

1-ci er – Sergey PETİŞ;

2-ci er – Viktoriya BELEKÇİ;

3-cü er – Olga MART.

“Siiredicilerin maasuz ödülü” nominațiyasında ödülü kazandı Anastasiya VORNİKOVA.

“Kadrada zaman” foto yarışmasını kazanannara ödülleri verdilär Gagauziya Başkankası Evgeniya GUȚUL, Gagauziya kultura Upravleniyası başı Marina SEMENOVA hem TÜRKSOY muzeylär bölümü başı Cavid MÖVSÜMLÜ.
fotokonkurs (2) fotokonkurs (3) fotokonkurs (4) fotokonkurs (5)

BİR CUVAP YAZIN