2025-ci yılın Hederlez ayın 7-dä, Gagauziyanın en genç primarların çalışmasınnan,
faşizmayı hem națizmayı Enseyiş Günün 80-ci yıldönümünä adanan 80 kilometralık bir marafon yapıldı.
Marafonun başında Gagauziyanın en genç primarları Vasiliy KAPSAMUN (Dizgincä küüyü), Evgeniy TUKAN (Kongazçık küüyü) hem Dimitriy KÖSÄ (Tomay küüyü) oldukları için, bu marafona start verildi Dizgincä küüyündä dä, Komrattan, Baş küüyündän, Kongazdan, Baurçudan hem Çadırdan geçip, Tomay küüyündä o sona erdi.
Marafonda irmi kişidän zeedä pay alannar, yollarında olan herbir kasabada hem küüdä durgunup, bir minutluk susmaklan saygı gösterdilär o uzak cengin kahramannarın anmasına.
Marafonun sonunda, Tomay küüyün kurtarıcı askerleri pamätniin yanında, marafoncuları gagauz halk oyunnarınnan karşladılar.
